Хувьцаа эзэмшигч

Капитал банкны гол хувьцаа эзэмшигч Бишрэлт Групп нь банк санхүү, хөрөнгө оруулалт, үнэт цаас, үл хөдлөх хөрөнгө, худалдаа үйлчилгээ, үйлдвэрлэл, эрүүл мэнд, дэд бүтцийн салбарт 22 жилийн хугацаанд үйл ажиллагаа явуулж буй Монгол Улсын томоохон групп юм. Бишрэлт групп нь Капитал банкны нийт хувьцааны 99.97%-ийг эзэмшдэг бөгөөд 14 охин компани, 1700 орчим ажилтан, албан хаагчидтайгаар үйл ажиллагаагаа явуулж байна.

Бишрэлт Холдинг ХХК нь Нэгдсэн Үндэстний Байгууллагын Даян дэлхийн гэрээнд 2004 онд нэгдэн орсноор, үйл ажиллагаандаа өөрийн тодорхойлсон үзэл баримтлалаа хариуцлагатай мөрдөн, нийтэд түгээн мэдээлж ажиллах болсон. Бишрэлт Холдинг ХХК-н үйл ажиллагаа, улсын төсөвт төлсөн татварын үзүүлэлтээрээ тэргүүлэн ажилласны үр дүнд Монгол улсын Засгийн газар, МҮХАҮТ-аас Монгол улсын Шилдэг аж ахуйн нэгжээр 10 удаа, 2007 онд Монгол улсын “Шилдэгийн шилдэг” аж ахуйн нэгж, “ТОР-100” аж ахуйн нэгжид 12 жил дараалан шалгарсан нь Монгол Улсын Үндэсний тэргүүлэх компанийн байр сууриа бататган хадгалж буйн нэг илрэл юм.


Группын алсын хараа: Эх орныхоо хөгжилд бодитой хувь нэмэр оруулах чадамжтай, ард түмэндээ мэдэгдэхүйц ашигтай, хувьцааэзэмшигчиддээ үлэмж өгөөжтэй, Ази номхон далайн орнуудын тэргүүлэгч корпорациудын хүчтэй өрсөлдөгч, хамгийн сайн түнш нь юм. Энэ бол Бишрэлтийнхэний хамгийн хүсэл, тэмүүлэл бөгөөд холын ирээдүйд хүрэхийн төлөө эрхэм зорилго тавин ажиллаж байна. Мөрөөдөлдөө хүрэх шинэ санаа бүрийг эрхэм зорилго болгон тодорхойлж түүндээ хүрэх арга замыг уриа болгон илэрхийлж, бүтээлчээр хөдөлмөрлөн өнөөдрийн үр дүнд хүрсэн билээ.