Нүүр хуудас  /  Салбар нэгжүүд АТМ  /  Хүний нөөц  /  Санал хүсэлт  /  Холбоо барих

Смарт банк

Миний банк-Миний гарт

Смарт банк аппликэйшний үйлчилгээг ашиглан орон зай, цаг хугацаанаас үл хамааран банкны бүх төрлийн үйлчилгээг авах боломжтой.

Үйлчилгээний боломжууд:

  • Дансны үлдэгдлээ шалгах
  • Дансны дэлгэрэнгүй лавлагаа авах
  • Дансны хуулга авах
  • Гүйлгээ хийх
    • Капитал банкны данс хоорондын гүйлгээ
    • Банк хоорондын гүйлгээ
    • Улс хоорондын гадаад гүйлгээ
    • Хувь хүний регистерийн дугаараар хувийн гуйвуулга хийх
  • АТМ, салбарын байршил, утасны дугаар, урамшууллын мэдээлэл авах
  • Миний банкны үйлчилгээг ашиглахад ямар ч нэмэлт төлбөр төлөх шаардлагагүй
  • Ханшийн мэдээ, хадгаламж зээлийн тооцоолуур ашиглах зэрэг үйлчилгээг авах боломжтой.

·Бүтээгдэхүүн, үйлчилгээний нөхцөл:

Үйлчилгээ Байгууллага
Иргэн
Жилийн хураамж 5000₮
2000₮
Банк доторх гүйлгээ 100₮
100₮
Өөрийн данс хоорондШимтгэлгүй Шимтгэлгүй
Банк хоорондын гүйлгээ 300₮/1000₮-тэй тэнцэх валют300₮/1000₮-тэй тэнцэх валют
Хэрэглээний төлбөр төлөх Шимтгэлгүй Шимтгэлгүй
Захиалгат шилжүүлэг бүртгэх Шимтгэлгүй Шимтгэлгүй
Нэг данснаас, нэг өдөрт хийх зарлагын гүйлгээний дээд хэмжээИргэн Байгууллага
Өдөрт хийгдэх гүйлгээний лимит 5 сая/тэнцэх валют 10 сая/тэнцэх валют
Нэмэгдүүлэх боломжит дээд хэмжээ 10 сая/тэнцэх валют20 сая/тэнцэх валют

Смарт банкны гарын авлагатай энд дарж танилцана уу.

ЭРХЭМ ХҮНДЭТ ХАРИЛЦАГЧДЫН АНХААРАЛД

дэлгэрэнгүй

Хөрөнгө зохицуулалт, арилжаа

дэлгэрэнгүй

Гадаад төлбөр тооцоо

дэлгэрэнгүй

Зээл

дэлгэрэнгүй

Хадгаламж

дэлгэрэнгүй

Төлбөрийн карт

дэлгэрэнгүй

Цахим банк

дэлгэрэнгүй

Бусад

дэлгэрэнгүй
Хадгаламжийн
Тооцоолуур
Зээлийн
Тооцоолуур
Хайлт
 

Шинэ мэдээ

28 12-Р Сар

2018-2019

дэлгэрэнгүй

20 12-Р Сар

2018.12.21-НИЙ ӨДӨР КАПИТАЛ БАНКНЫ АЖИЛЛАХ ЦАГИЙН ХУВААРЬ

дэлгэрэнгүй

19 12-Р Сар

Б.ГАНБАТ: КАПИТАЛ БАНК ХУУЛИЙН ХҮРЭЭНД ҮЙЛ АЖИЛЛАГАА ЯВУУЛЖ ИРСЭН ЦААШИД Ч ЯВУУЛАХ БОЛНО

Б.ГАНБАТ: КАПИТАЛ БАНК ХУУЛИЙН ХҮРЭЭНД ҮЙЛ АЖИЛЛАГАА ЯВУУЛЖ ИРСЭН ЦААШИД Ч ЯВУУЛАХ БОЛНО Капитал банкны Төлөөлөн удирдах зөвлөлийн гишүүн Б.Ганбаттай ...

дэлгэрэнгүй

27 7-Р Сар

БНХАУ-д ЮнионПэй карттайгаа!

Капитал банкны ЮнионПэй картын харилцагчийн БНХАУ-д эдлэх хөнгөлөлтийг танилцуулж байна. Хугацаа: 2018.12.31-нийг дуустал Хөнгөлөлт эдлэх карт: UnionPay карт /62 картын ...

дэлгэрэнгүй

19 7-Р Сар

ЭМНЭЛЭГТ ГЭГЭЭ ТҮГЭЖ, ЭМЧЛҮҮЛЭГЧДЭД ИТГЭЛ НЭМСЭН ӨДӨР

Арилжааны банкнуудаас анх удаа Капитал банк хүн амынхаа эрүүл мэндийн төлөө эмгүй эмчилгээний шинэ төрөл дэлхийн анагаах ухааны хөгжлийн шинэ ...

дэлгэрэнгүй

Сурталчилгаа

ОХУ-д ЮнионПэй карттайгаа аялцгаая!

6-Р Сар 20, 2018

ЭНЭ БОЛ ТАНД ӨГЧ БУЙ “УРМЫН БЭЛЭГ”

6-Р Сар 05, 2018

ХҮҮХЭД БҮРИЙН ЦАРАЙНД ЖАРГАЛ ҮРГЭЛЖИД ГЭРЭЛТЭГ сайн үйлсийн аян

5-Р Сар 30, 2018

ХҮҮХЭД БҮРИЙН ЦАРАЙНД ЖАРГАЛ ҮРГЭЛЖИД ГЭРЭЛТЭГ мэдээ

5-Р Сар 29, 2018

"Урмын бэлэг"- Эх орон

5-Р Сар 15, 2018

Бүтээгдэхүүн, үйлчилгээ

Холбоос

Цахим банк

Б.ГАНБАТ: КАПИТАЛ БАНК ХУУЛИЙН ХҮРЭЭНД ҮЙЛ АЖИЛЛАГАА ЯВУУЛЖ ИРСЭН ЦААШИД Ч ЯВУУЛАХ БОЛНО

Капитал банкны Төлөөлөн удирдах зөвлөлийн гишүүн Б.Ганбаттай цаг үеийн асуудлаар дэлгэрэнгүй ярилцаж нийгэмд үүсээд байгаа сөрөг мэдээлэлд хариулт авлаа. Тэрбээр салбартаа танигдсан туршлагатай банкир юм. Сэтгүүлч миний бие хэн нэгнийг зөвтгөх гэсэндээ бус дээрх байгууллага, хувь хүнтэй холбоотой нийгэмд эх захгүй цацагдаад байгаа элдэв сөрөг мэдээлэлд эх сурвалжаас нь байр суурийг нь сонсож олон нийтэд мэдээллийг тэнцвэртэй хүргэхийг зорилоо.

Сүүлийн үед хэвлэл, мэдээллийн хэрэгсэлээр танай банктай холбоотой сөрөг мэдээлэл “онц” ихээр гарах боллоо. Банкны байгууллага харилцагч хоёрыг итгэлцэл холбож байдаг гэж үзвэл энэ их сөрөг мэдээллийн ард банк хэрхэн тэсэж байгаа нь ихээхэн сонирхол татаж байна. Сөрөг мэдээллийн урсгал үнэхээр хэрээс хэтэрлээ л гэж хэлэх гээд байгаа юм. Энэ талаар?

Тиймээ. Банкны байгууллага иргэд харилцагчдын дунд итгэлцэл гэж их том гүүр бий. Энэ гүүр элдэв сөрөг мэдээллээс болж нурвал дан ганц банкинд бус иргэд, харилцагчид, аж ахуйн нэгж, компаниудад цаашлаад банкны системд, санхүүгийн салбарт том дүр зургаараа улс орны эдийн засагт эрсдэлтэй байдал үүснэ гэсэн үг. Нөгөө нэг үхрийн эвэр доргивол мянган үхрийн эвэр доргино гэдэг зүйрлэл хэлэх гээд байгаа санаатай минь нийцтэй байна гэсэн үг. Хаа ч очиж банкны систем санхүүгийн салбарын 90 гаруй хувийг дангаараа бүрдүүлж байдаг. Монгол улсын санхүүгийн салбар энэ 14 арилжааны банкны нуруун дээр явдаг гээд хэлчихэд дэгсдүүлсэн болохгүй болов уу.

Банкны салбар харьцангуй хараа хяналт сайтай. Илүү нээлттэй, өрсөлдөөнтэй байдаг гэж ойлгодог? Сөрөг, ташаа мэдээлэлд тухай бүр сайтар хариулт өгч чадаж байгаа юу? Танай банк их хүлээцтэй байр суурин дээр байх шиг байна. Энэ нь нэг талдаа сайн ч нөгөө талдаа ташаа мэдээллийг улам газар авахуулах эрсдэлтэй?

Өөрийн чинь хэлсэнтэй санал нэг байна. Тэр ч утгаараа энэ салбар бараг тэр чигээрээ шилэн данс тооцоотой, орсон гарсан урсгал нь ил байж байдаг. Өөрийн гэсэн хуультай. Компаний засаглал харьцангуй сайн. Хамгийн гол нь систем өөрөө эрүүл байхыг шаарддаг. Хэрвээ хэн нэгний эрүүл мэнд муудвал энэ их өрсөлдөөний талбар аандаа л шахаад гаргачихдаг нь хууль. Дээр нь нэмээд хэлэхэд банкны системын хяналт шалгалтыг Төв банк улирал, хагас жил, жил тутам зохистой харьцааны шалгуур үзүүлэлтээр шалгаж нягтлаж байдаг. Шат шатны төрийн хяналтын байгууллагууд шалгалтаар тогтмол ордог гээд бид биеэ тогтмол хянуулдаг. Үйл ажиллагаа хэвлэлээр гараад байгаа шиг хэт доголдсон, хэн нэгэн эрх мэдлээ ашиглаад ихээхэн эх үүсвэр татчихсан асуудал өнөөдөр байхгүй гэдгийг албан ёсоор хэлмээр байна. Бид үйл ажиллагаагаа хуулийн хүрээнд, хэвийн жигд явуулж байна.

Гэхдээ мэдээж энэ их санаатай, санаагүй сөрөг мэдээллийн урсгал банкинд итгэх иргэд харилцагчдын итгэлийг бууруулж буруу ташаа ойлголт төрүүлж, эргэлзэхэд хүргэж байгаа нь өөрөө эрсдэл юм. Энэ талаар манай банкнаас харилцагчиддаа хандан албан байр сууриа илэрхийлсээр байгаа.Өнөөдрийн та бид хоёрын ярилцлага ч үүнд сайтар хариулт өгч байгаа нэг хэлбэр гэж ойлгож байна.

Танай банкийг төрийн сангуудын мөнгийг зээлдэх замаар арилжааны асар их ашиг олоод байна гэсэн хар нийгэмд байна. Тухайлбал ЖДҮДСангийн санхүүжилтыг танай банк өөр дээрээ аваад төслийн шалгуурыг өөрсдөө хийгээд санхүүжүүлдэг юм уу. Шалгуур, журам бий юу?

Энэ бол нийгэмд тараад байгаа асар буруу ойлголт.  Капитал банк нь Монгол Улсын Засгийн газар болон Олон улсын төсөл хөтөлбөрийн төслийн нэгжүүд, сангуудаас  сонгон шалгаруулж, баталсан жижиг дунд бизнес эрхлэгчдэд зээлийг дамжуулан олгодог билээ.

Сангуудын зээлийн тухайд уншигчидад нэг л зүйлийг сайтар ойлгуулмаар байгаа юм. Тухайлбал жижиг, дунд бизнес эрхлэгч аж ахуйн нэгж байгууллага, иргэд нь төслөө холбогдох яам, сан, төслийн нэгжүүдэд өгч шийдвэр гаргуулан сонгогдсон тохиолдолд хэрэгжүүлэгч нь өөрийн харилцагч банкаа сонгон зээлээ тухайн банкаараа дамжуулан авдаг. Нийгэмд үүсээд байгаа ташаа мэдээлэл шиг банк нь аливаа төслийг өөрсдөө сонгон шалгаруулах эрх байдаггүй, “Хамтран ажиллах” гэрээний дагуу талууд нь эрх, үүргээ тодорхойлон хариуцлага хүлээж хамтран ажиллах гэрээний дагуу заасан зээлийн нөхцөл, хүүгийн хэмжээгээр л зээлийг олгодог.

Гэрээний талууд болон Монголбанк, холбогдох эрх бүхий байгууллагуудаас хяналт шалгалт тогтмол хийж төслийн зээлийн олголт, зарцуулалт, эргэн төлөлт, хүүгийн хэмжээнд хяналт тавьж ажилладаг.

Тэгэхээр танай банкны тухайд төсөл хөтөлбөр, сангийн мөнгийг Засгийн газраас батласан зориулалтын дагуу гэрээнд заасан хүү, нөхцөлтэйгээр дамжуулан зээлдэг гэж ойлгож болохнээ. Арилжааны бүх банк сонгогдсон харилцагчийнхаа хүсэлтээр сангийн санхүүжилтийг дамжуулан олгодог гэсэн үг үү?

Арилжааны банкууд дамжуулан зээлдүүлсэн буюу төслийн зээлийг  иргэн, аж ахуйн нэгжид тухайн төслийн эх үүсвэрийг олгож байгаа байгууллагын тогтоосон хүүгээр олгож зээлийн эрсдэлийг дангаараа хариуцан зээлийг төлүүлэн ажилласаар ирсэн. Капитал банкны хувьд ч энэ журмын дагуу үйл ажиллагаагаа явуулж, дундаас нь хүү нэмж өндөр хүүгээр олгодоггүй. Банк болон хэн нэгэн этгээд дундаас нь ашиглах боломжгүй гэдгийг аль ч төрлийн төслийн зээл авсан иргэн, аж ахуйн нэгж байгууллага бүгд мэдэж байгаа.

Жижиг, дунд үйлдвэрлэлийг хөгжүүлэх сангаас Капитал банкинд олгосон “Зээл, зээлийн эх үүсвэрийн төлбөр барагдуулах гэрээ”-ээр төслийн зээлүүдийг гэрээнд заасан хүү, хувь хэмжээгээр олгож байсан. Хэвлэл мэдээллээр гүтгэж байгаа шиг сангийн зээлийг хэн нэгэн этгээд өөртөө авч ашиглах боломжгүй, зээл олгох зөвшөөрөл, хүү хугацааны нөхцөлийг ЖДҮХСангаас хатуу тогтоож банктай гэрээ байгуулсны дагуу шилжүүлдэг. Тус банкаар дамжуулан зээл авсан төсөл хөтөлбөрүүд амжилттай явагдаж байна. Мөн түүнчлэн JICA, “Органик монгол”, “Тогтвортой амьжиргаа”, “Адра”, “Агро бизнес”, “Хот байгуулалтын хөгжил” гэх мэт... болон бусад төслүүд ч үүнтэй адил байдаг.

Сэтгүүлч миний олж авсан мэдээллээр өнгөрсөн баасан гаригт ЖДҮХСангийн санхүүжилтийг дамжуулан олгосон олон банкны үйл ажиллагаанд эрх бүхий байгууллагууд шалгалт хийсэн байна. Гэтэл зөвхөн танай банкыг шалгаж битүүмжилсэн гэх мэдээлэл гэрлийн хурдаар тарсан. Энэ талаар?

Тиймээ. ЖДҮХС-тай холбогдуулан тухайн сангийн эх үүсвэрээр хуульд заасан ажил үйлчилгээ үзүүлсэн арилжааны нэр бүхий 11 банкаар дамжуулан олгосон зээлүүдийг холбогдох хуулийн байгууллагаас шалгахаар болсон. Энэ дагуу манай банкны дамжуулан олгосон зээлийг ч мөн шалгасан. Гэтэл үүнийг зориуд санаатайгаар мушгин гуйвуулж Капитал банкны төв байрыг битүүмжиллээ, эрх бүхий албан тушаалтнуудыг түр саатуулах гэж байна гэх мэдээллүүдийг хэн нэгэн улс төрийн болон явцуу эрх ашгийнх

аа төлөө санаатайгаар тараасан. Олон зуун мянган харилцагч, хадгаламж эзэмшигч, хамт олны эрх ашгийг хохироож, банкны хэвийн үйл ажиллагааг алдагдуулах гэсэн зохион байгуулалттай, санаатай гүтгэлэг сүүлийн хэдэн өдөр явлаа.

Дээрх худал мэдээлэлд автахгүй байхыг нийт харилцагч, хамтран ажилладаг байгууллагуудад уриалахын хамт саатуулагдсан, битүүмжлэгдсэн зүйл байхгүй, банкны үйл ажиллагаа хэвийн явагдаж байгааг албан ёсоор дахин мэдэгдэж байна.

Хөдөлмөр эрхлэлтийг дэмжих сангийн санхүүжилтийг мөн зориулалт бусаар зарцуулсан. Мөнгө эзэддээ хүрээгүй гэдэг мэдээлэл нийгэмд их явсан. Үнэхээр л ядарсан иргэд, жижиг буурай аж ахуйн нэгжүүдийн санхүүжилтийн мөнгийг өөр зүйлд зарчихсан юм уу?

Тийм зүйл байхгүй. Манай банк 2004 оноос өнөөг хүртэл төрөөс иргэдэд олгож буй тэтгэвэр, тэтгэмж, халамжийн үйлчилгээг үзүүлсээр ирсэн. Төрийн үйлчилгээг иргэдэд хүртээмжтэй түргэн шуурхай хүргэх, төрийн бодлогыг тууштай дэмжих хүрээнд Улаанбаатар хот, хөдөө орон нутгийн 161 хорооны 39 мянган иргэдэд тэтгэвэр, 130 хорооны 241 мянга гаруй иргэдэд халамжийн үйлчилгээг үзүүлсэн.

Капитал банк, Хөдөлмөр нийгмийн хамгааллын яам түүний харъяа Хөдөлмөр Эрхлэлтийг Дэмжих Сантай хамтран бага орлоготой иргэд, нөхөрлөл хоршоодын санхүүгийн тогтвортой байдлыг хангах, дээшлүүлэх, ядуурлыг бууруулах зорилтын хүрээнд 2007 оноос хамтран ажиллаж зорилтот бүлэгт зээлийг дамжуулан олгосоор ирсэн. 

Ярилцлагын төгсгөлд танд хэлэх үгийг үлдээе. Асуугаагүй орхисон, харилцагчиддаа хэлмээр дамжуулмаар үг байна уу?

Монгол улсад үүссэн эдийн засгийн хүндрэлтэй байдал, валютын ханшийн өөрчлөлт, иргэдийн худалдан авах чадвар буурсан  зэрэг нийгэм эдийн засгийн нөхцөл байдлаас шалтгаалан төсөл хэрэгжүүлэгч иргэд, аж ахуйн нэгжүүдийн мөнгөн урсгал, ашигт ажиллагаа буурсан. Энэ байдал аль ч салбарт хаа хаанаа хүндрэл авчирч байна.

Энэ мэт нөхцөл байдлуудыг буруугаар мушгин гуйвуулж Капитал банкны нэр хүндэд халдсан мэдээлэлд шүлтүүртэй хандаж бидний үйл ажиллагааг үргэлж дэмжин хариуцлагатай хамтран ажиллаж ирсэн Эрхэм харилцагчиддаа ирж буй шинэ оны баярын мэндийг хүргэж ажлын арвин их амжилт хүсье.

Үндэсний хөрөнгө оруулалттай ууган арилжааны банкны хувьд Монгол улсдаа Монгол хүн, Монгол бизнесмэн, Монгол компани банкны бизнес эрхлэж байгаагаар бид үргэлж бахархаж ирсэн.Улсдаа их хэмжээний татварыг тогтмол төлж, 1500 гаруй ажлын байр бий болгож, 1994 онд анх үүсгэн байгуулагдан өдрөөс өдөрт өсөн дэвжиж буй Бишрэлт групп болон Капитал банкны хамт олныхоо нэрийн өмнөөс Монголынхоо мянган мянган өрхөд ирж буй шинэ онд аз жаргал, эрүүл энхийг хүсэн ерөөе!

Ярилцсанд баярлалаа. Танд, танай хамт олонд ажлын амжилт хүсье.

Сэтгүүлч С.Гэрэл


Капитал банкны ЮнионПэй картын харилцагчийн БНХАУ-д эдлэх хөнгөлөлтийг танилцуулж байна.

Хугацаа: 2018.12.31-нийг дуустал

Хөнгөлөлт эдлэх карт: UnionPay карт /62 картын дугаар эхэлсэн байна/

Хөнгөлөлт эдлэх газар: БНХАУ-ын Бээжин, Шанхай, ШэньЖэнь хотууд болон ГуанДун мужид байрлах жагсаалтанд багтсан

  • Зочид буудлуудад нэг удаагийн 1000 юанийн төлбөр төлөлтөнд 288 юанийн хөнгөлөлт, нэг удаагийн 2000 юанийн төлбөр төлөлтөнд 588 юанийн хөнгөлөлт
  • Ресторан, зоогийн газруудад нэг удаагийн 500 юанийн төлбөр төлөлтөнд 88 юанийн хөнгөлөлт, нэг удаагийн 1000 юанийн төлбөр төлөлтөнд 188 юанийн хөнгөлөлт
  • Түргэн хоолны газруудад 20 юанийн худалдан авалтанд 5%-ийн хөнгөлөлт
  • Худалдааны төвүүдэд 200 юанийн худалдан авалтанд 5%-ийн хөнгөлөлт тус тус эдэлнэ.

Хөнгөлөлт эдлэх газруудын жагсаалттай энд дарж танилцана уу.


Арилжааны банкнуудаас анх удаа Капитал банк хүн амынхаа эрүүл мэндийн төлөө эмгүй эмчилгээний шинэ төрөл дэлхийн анагаах ухааны хөгжлийн шинэ үеийн илэрхийлэлболж буй арт терапи буюу "Урлагаар Анагаахуй"эмчлэх аргазүйг Монголдоо нутагшуулах үйл ажиллагаагбусдыгаа манлайлан хэрэгжүүлж байна.

Монголын Урлагийн Зөвлөлөөс санаачлан Капитал банк болон Монгол Эм Импэкс Концерны дэмжлэгтэйгээр зохион байгуулагдаж буй "Өнгөт өдөр" урлагаар анагаах өдөрлөг 2018.07.16-07.18-ны өдрүүдэд Хавдар Судлалын Үндэсний төв, Сэтгэцийн Эрүүл Мэндийн Үндэсний төв болон Шастины Нэрэмжит Улсын Гуравдугаар Төв Эмнэлэгт нийт 150 эмнэлгийн хэвтэн эмчлүүлэгсэд болон зураач, сэтгэл зүйч Арт терапист нарын хамтаар амжилттай зохион байгуулагдлаа.

“АРТ ТЕРАПИ” төсөл нь урлагаар дамжуулан эмчилгээний чанарыг нэмэгдүүлж, өвчтөний сэтгэл зүйн байдлыг тогтворжуулахад чиглэсэн, дэлхий дахинаа түгэн дэлгэрч буй эмгүй эмчилгээний шинэлэг арга юм.

Өдөрлөгийн үеэр зурсан бүтээлүүд болох нийт 15 ханын уран зургийг арга хэмжээ явагдсан улсын нэгдсэн гурван эмнэлэгт хандивлахаар болсон бөгөөд Америкийн “ХОСПИТАЛ АРТ САН” болон МУЗ хамтран арга хэмжээнд оролцсон хэвтэн эмчлүүлэгсдээс сэтгэлзүйн сорилыг давхаравч ажилласан юм.

Сэтгэл зүйч, нийгмийн ажилтнууд урлагийн сэтгэл заслын төрлүүд болох зурган засал болон баримал зэргийг 2012 оноос ашиглах болсон нь өвчтөнүүдийн сэтгэл түгшилтийг бууруулах, тайвшрах, стресс тайлах зэргээр үр дүнгээ өгсөн байна.

UnionPay картын харилцагч нартаа зориулж ОХУ-д хийх худалдан авалтанд дараах хөнгөлөлт урамшууллыг зарлаж байна.

ОХУ-д 2018.06.15-2018.07.14-ний өдрүүдэд Капитал банкны UnionPay картаараа худалдан авалт хийгээд үнийн дүнгийн 10%-ийг буцаан аваарай.

Мөн Та ОХУ-д UnionPay картаа ашигласнаар дараах урамшууллыг давхар эдлэх боломжтой. Үүнд:

  • Дэлхийн алдарт түргэн хоолны сүлжээ ресторан Burger King-н ОХУ дах салбаруудаар Тахианы махтай бургер болон тахианы махан сэндвичийг – 50% хөнгөлөлттэй авах. Хугацаа: 2018.06.01-2018.11.30 / Дэлгэрэнгүй мэдээллийг http://t.cn/R1JfJkb авна уу./
  • ОХУ-ын Москва хотын Шерметьево нисэх онгоцны буудлын Татваргүй барааны дэлгүүрт 15% хүртэл хөнгөлөлт эдлэнэ. Хугацаа: 2018.06.01-2019.05.31 / Дэлгэрэнгүй мэдээллийг http://t.cn/R1fpk92 авна уу./
  • ОХУ-ын Азбука Вкуса сүлжээ дэлгүүрт Та ЮнионПэй картаар үйлчлүүлснээр Оросын амтат жигнэмэгийг бэлэг болгон авна. Хугацаа: 2018.06.01-2018.09.30 / Дэлгэрэнгүй мэдээллийг http://t.cn/R1fNe6B авна уу./

Эдгээр боломжуудыг эдлэх UnionPay картыг эзэмшихийг хүсвэл Капитал банкны аль ч салбар, тооцооны төвд захиалах боломжтой бөгөөд 2018.06.30-ныг дуустал Капитал банкны UnionPay Олон улсын картын захиалгын хураамж 0₮ болсныг дуулгахад таатай байна.




Монголбанкнаас санаачилан хэрэгжүүлсэн “Санхүүгийн хэрэглэгчийг хамгаалах” аяны хаалтын үйл ажиллагаа 2018.06.02-ны өдөр Сүхбаатарын талбайд амжилттай зохион байгуулагдлаа. Тус аян нийт 5 сарын турш үргэлжилсэн бөгөөд Капитал банкны хамт олон идэвхи санаачилгатай оролцсоныг үнэлж, Монголбанкнаас талархлын цом гардуулсан юм.

Энэ үеэр Капитал банк нь Гурвалсан данстай UnionPay олон улсын картыг жилийн хураамжаас чөлөөлсөн ба Унагалдай хүүхдийн хадгаламж нээсэн хүүхдүүдэд Хүүхдийн баярын бэлэг гардууллаа.







Капитал банкны харилцагчдынхаа сэтгэл оюунд нь хөрөнгө оруулалт хийх зорилгоор сэтгэл судлалын ухааны доктор Г.Наранбаатартай хамтран зохион байгуулдаг “Урмын бэлэг” үнэтөлбөргүй лекц 2018 оны 5 дугаар сарын 26-ны өдөр амжилттай боллоо.

Капитал банкны хамт олны нийгмийн хариуцлагын хүрээнд санаачилсан энэхүү арга хэмжээ 2 дахь жилдээ болж буй бөгөөд өнгөрсөн жил зохион байгуулсан лекц харилцагчдын талархлыг ихээхэн хүлээсэн арга хэмжээ болж, энэ жил дахин зохион байгуулах хүлээлтийг бий болгоод байсан билээ.

Тиймдээ ч хэдий амралтын өдөр байсан ч манай лекцийн танхим дүүрсэн ба харилцагчид маань өөрийн оюун сэтгэлдээ шинэ сэргэлт, эрч хүчийг авч чадсан гэдэгт итгэлтэй байна. Лекцэнд нийт 300 гаруй банкны ажилтнууд, харилцагчид хамрагдсан бөгөөд хүрэлцэн ирсэн Та бүхэндээ талархал илэрхийлье.


Хүн төрөлхтөн түүхэндээ анх удаабуюу 1925 онд Щвейцарийн Женев хотод “Хүүхдийн Эрхийн тухай”тунхаглалыг батласанаар хүүхдийн эрх, түүнийг хамгаалах тухай ойлголт бий болсон түүхтэй. Үүний дараагаар улс үндэстнүүд өөр өөрсдийн хүүхдийн эрхийг хамгаалсандотоодын тунхаглалууд болон эрхзүйн зохицуулалтыг баталж мөрдөж ирснээс олон улс нийтээр дагаж мөрддөг нь 1989 оны НҮБ-н Ерөнхий ассамблейгаас баталсан“Хүүхдийн эрхийн тухай конвенц” юм.

Монгол улсынхувьд чөлөөт ардчилсан нийгмийг сонгон 1990 онд НҮБ-н “Хүүхдийн эрхийн конвенц”-д нэгдэн орсон 5 дахь улс болж,олон улсад хүүхдийн эрхийг дээдэлдэг улс орон гэдгээ нотлон харуулсан алхам хийж байсан түүхтэй.

Үүсгэн байгуулагдсны 28 жилийн ой тохиож буй Арилжааны анхны КАПИТАЛ БАНК “ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДӨР”-ийг тохиолдуулан нийгмийн хариуцлагын хүрээнд “ХҮҮХЭД БҮР НИЙГМИЙН АНХААРАЛ ХАЛАМЖААС ХАЯГДАХ, ОРХИГДОХ ЁСГҮЙ” сэдвийн дор хөгжлийн бэрхшээлтэй иргэдийн “ХАТАН ДУУЛАЛ” ТББ-тай хамтран сайн үйлсийн аян хэрэгжүүллээ.

“ХҮҮХЭД БҮРИЙН ЦАРАЙНД ЖАРГАЛ ҮРГЭЛЖИД ГЭРЭЛТЭГ” уриатайгаар энэ сарын 23-25 ны өдрүүдэд Улаанбаатар хотын 9 дүүргийн алслагдсан хороодуудад амьдарч байгаа гэрээс гарах боломжгүй, амьдралын боломж тааруу, нэн хүнд хэлбэрийнхөгжлийн бэрхшээлтэй 1-18 насны 28 хүүхдийг сонгож тэдний гэрээр очин аав ээж болон асран хамгаалагчтай нь уулзаж, тухайн хүүхдүүдэд ахуйн үйлчилгээ үзүүлэн Капитал банкны нэрэмжит гарын бэлгийг гардуулан хэсэгхэн мөчийг тэдэнтэй хамт өнгөрүүлж сэтгэлийн дэм, урмын бэлэг өгсөндөө бид их баяртай байна. Мөн бид эдгээр хүүхдүүдээсээ сонгон Хан-Уул дүүргийн 16-р хорооны иргэн Б.Алтансүхийн 2 ихэр хүү болох энэ жил 18 нас хүрч байгаа Мөнхбат, Мөнх-Эрдэнэ нарт КАПИТАЛ БАНКНЫгарын бэлгийг гардуулан ирээдүйд нь хөрөнгө оруулалт болгох үүднээс хамгийн өндөр хүү буюу жилийн 15,8%-н хүүтэй “УНАГАЛДАЙ ХАДГАЛАМЖ”-ийг гардуулан өгсөн юм.

Энэ дэлхийн бүх хүн ирээдүйгээ гэрэлтэй, аз жаргалтайбайгаасай гэж хүсдэг, харин хүүхэд бол бидний ирээдүй, ирээдүйдээ бид хэр их анхаарал хандуулна, түүнийг хэр их баярлуулна, хөгжүүлнэ тэр хэмжээгээр бидний ирээдүй гэрэлтэй, дэлхий ертөнц амар амгалан байх учиртай билээ.

Тиймээс ч энэ дэлхийд төрсөн хүүхэд бүр нийгмийн анхаарал халамж, эцэг эхийн хайр энэрлээс хаягдах ёсгүй бөгөөд ХҮҮХЭД НЭГ бүр аз жаргал, инээд хөөр, баяр баяслаар дүүрэн байг. Хүүхэд багачууддаа “Капитал банк”-ны нийт хамт олны зүгээс удахгүй тохиох “Олон Улсын Хүүхдийн Эрхийг Хамгаалах Өдөр”-ийн баярын мэнд хүргэе!



Хүн төрөлхтөн түүхэндээ анх удаабуюу 1925 онд Щвейцарийн Женев хотод “Хүүхдийн Эрхийн тухай”тунхаглалыг батласанаар хүүхдийн эрх, түүнийг хамгаалах тухай ойлголт бий болсон түүхтэй. Үүний дараагаар улс үндэстнүүд өөр өөрсдийн хүүхдийн эрхийг хамгаалсандотоодын тунхаглалууд болон эрхзүйн зохицуулалтыг баталж мөрдөж ирснээс олон улс нийтээр дагаж мөрддөг нь 1989 оны НҮБ-н Ерөнхий ассамблейгаас баталсан“Хүүхдийн эрхийн тухай конвенц” юм.

Монгол улсынхувьд чөлөөт ардчилсан нийгмийг сонгон 1990 онд НҮБ-н “Хүүхдийн эрхийн конвенц”-д нэгдэн орсон 5 дахь улс болж,олон улсад хүүхдийн эрхийг дээдэлдэг улс орон гэдгээ нотлон харуулсан алхам хийж байсан түүхтэй.

Үүсгэн байгуулагдсны 28 жилийн ой тохиож буй Арилжааны анхны КАПИТАЛ БАНК “ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДӨР”-ийг тохиолдуулан нийгмийн хариуцлагын хүрээнд “ХҮҮХЭД БҮР НИЙГМИЙН АНХААРАЛ ХАЛАМЖААС ХАЯГДАХ, ОРХИГДОХ ЁСГҮЙ” сэдвийн дор хөгжлийн бэрхшээлтэй иргэдийн “ХАТАН ДУУЛАЛ” ТББ-тай хамтран сайн үйлсийн аян хэрэгжүүллээ.

“ХҮҮХЭД БҮРИЙН ЦАРАЙНД ЖАРГАЛ ҮРГЭЛЖИД ГЭРЭЛТЭГ” уриатайгаар энэ сарын 23-25 ны өдрүүдэд Улаанбаатар хотын 9 дүүргийн алслагдсан хороодуудад амьдарч байгаа гэрээс гарах боломжгүй, амьдралын боломж тааруу, нэн хүнд хэлбэрийнхөгжлийн бэрхшээлтэй 1-18 насны 28 хүүхдийг сонгож тэдний гэрээр очин аав ээж болон асран хамгаалагчтай нь уулзаж, тухайн хүүхдүүдэд ахуйн үйлчилгээ үзүүлэн Капитал банкны нэрэмжит гарын бэлгийг гардуулан хэсэгхэн мөчийг тэдэнтэй хамт өнгөрүүлж сэтгэлийн дэм, урмын бэлэг өгсөндөө бид их баяртай байна. Мөн бид эдгээр хүүхдүүдээсээ сонгон Хан-Уул дүүргийн 16-р хорооны иргэн Б.Алтансүхийн 2 ихэр хүү болох энэ жил 18 нас хүрч байгаа Мөнхбат, Мөнх-Эрдэнэ нарт КАПИТАЛ БАНКНЫгарын бэлгийг гардуулан ирээдүйд нь хөрөнгө оруулалт болгох үүднээс хамгийн өндөр хүү буюу жилийн 15,8%-н хүүтэй “УНАГАЛДАЙ ХАДГАЛАМЖ”-ийг гардуулан өгсөн юм.

Энэ дэлхийн бүх хүн ирээдүйгээ гэрэлтэй, аз жаргалтайбайгаасай гэж хүсдэг, харин хүүхэд бол бидний ирээдүй, ирээдүйдээ бид хэр их анхаарал хандуулна, түүнийг хэр их баярлуулна, хөгжүүлнэ тэр хэмжээгээр бидний ирээдүй гэрэлтэй, дэлхий ертөнц амар амгалан байх учиртай билээ.

Тиймээс ч энэ дэлхийд төрсөн хүүхэд бүр нийгмийн анхаарал халамж, эцэг эхийн хайр энэрлээс хаягдах ёсгүй бөгөөд ХҮҮХЭД НЭГ бүр аз жаргал, инээд хөөр, баяр баяслаар дүүрэн байг. Хүүхэд багачууддаа “Капитал банк”-ны нийт хамт олны зүгээс удахгүй тохиох “Олон Улсын Хүүхдийн Эрхийг Хамгаалах Өдөр”-ийн баярын мэнд хүргэе!



Зохиогчийн эрхийг Капитал банк эзэмшинэ. 2014 он